Ólafsdalur

Ólafsdalur við Gilsfjörð er meðal merkustu menningarminjastaða á Vesturlandi og við Breiðafjörð. Þar stofnaði Torfi Bjarnason fyrsta búnaðarskóla á Íslandi árið 1880 og var hann rekinn til 1907. Þar stunduðu 154 skólapiltar nám og komu þeir af öllu landinu. Myndarlegt skólahús frá 1896 stendur í Ólafsdal og er opið gestum á sumrin með sýningum, leiðsögn o.fl. Minjar um margar aðrar byggingar er á staðnum (smiðja, vatnshús, fjós, fjárhús, hesthús, tóvinnuhús...). Í Ólafsdal eru einnig jarðræktarminjar sem eru mjög merkilegar á landsvísu (beðasléttur, hleðslur og vantsmiðlunarmannvirki). Í Ólafsdal er myndarlegur minnisvarði af Torfa og Guðlaugu konu hans eftir hinn þekkta myndhöggvara Ríkharð Jónsson (1888-1977). Ólafsdalsfélagið vinnur nú að endurreisn staðarins. Sjá nánar

Fréttir

Ný námskeið að hefjast í Ólafsdal

Sölvafjara og sushi með Rúnari Marvinssyni og Dominique Pledel
18. ágúst í Tjarnarlundi, Saurbæ
Grjót- og torfhleðsla í Ólafsdal við Gilsfjörð
Tveggja daga námskeið 1. og 2. september
Sápur - sápugerð með Önnu Sigríði Gunnarsdóttur
26. ágúst kl. 14:00 – 17:00 í Tjarnarlundi, Saurbæ
Lífrænt grænmeti með Sollu í Gló og Dominique Pledel
1. september kl. 14:00 í Tjarnarlundi, Saurbæ
Sjá nánar

Ólafsdalshátíð 12.ágúst kl.13:00 - 17:30

10.30      Undanfari hátíðar. Gönguferð í skálina.
Gengið upp í skálina í Ólafsdal og spáð í örnefni, byggingar og staðhætti í Ólafsdal. Ljósmyndir sem teknar voru úr Skálinni um 1900 hafðar til hliðsjónar.

12.00      Sala á miðum í Ólafsdalshappdrættinu hefst. Miðaverð kr. 500. Fjöldi vinninga.

12.00-17.30     Ólafsdalsmarkaður og sýningar: Ólafsdalsgrænmeti - fjölbreytt handverk - ostar - Erpsstaðaís - kræklingur - ber og margt fleira. Kaffiveitingar. Sýningin Ólafsdalsskólinn 1880-1907 á 1. hæð skólahússins. Dalir og Hólar - FERÐ: Listsýning á 2. hæð skólahússins.

13.00      HÁTÍÐARDAGSKRÁ
Kynnir:     Jóhannes Haukur Jóhannesson, leikari.
Ávarp:     Svavar Gestsson, stjórnarmaður í Ólafsdalsfélaginu.
Ræða:     Guðbjartur Hannesson, velferðarráðherra.
Ávarp:     Eyjólfur Sturlaugsson, skólastjóri Auðarskóla í Búðardal.
Tónlist:     Hljómsveitin Moses Hightower.
Gamanmál:     Jóhannes Haukur Jóhannesson.
Erindi:     Þorgeir Ástvaldsson, útvarpsmaður: Ólafsdalur 1906-1916, minningar frænda míns.

15.00      Leikhópurinn Lotta sýnir Stígvélaða köttinn

16.30      Dregið í Ólafsdalshappdrættinu

17.00      Erindi:     Steinunn Eik Egilsdóttir arkitektanemi og Gísli Sverrir Árnason R3 ráðgjöf: Rannsóknarverkefnið Eyðibýli á Íslandi. Áhugaverð hús á Vesturlandi.

Hestar teymdir undir börnum.

Kaffihlaðborð að Skriðulandi kl. 13:00-20:00

ATH: netsamband er stopult í Ólafsdal og því er gestum ráðlagt að hafa með sér lausafé til að versla/taka þátt í happdrætti.