http://www.123.is/olafsdalur/ Heimasíða Ólafsdalsfélagsins is Mon, 06 Sep 2010 00:00:00 GMT Mon, 06 Sep 2010 20:02:21 GMT www.123.is http://www.123.is/olafsdalur/blog/record/468972/ ÓLAFSDALSHÁTÍÐ 8. ágúst 2010 130 ár frá stofnun fyrsta búnaðarskóla á Íslandi ókeypis aðgangur og skemmtiatriði DAGSKRÁ 11.00 Undanfari hátíðar. Gönguferð frá Ólafsdalshúsinu og inn í Hvarfsdal og Draugaskot undir leiðsögn Kristjáns Inga Arnarssonar í Stórholti. Fremur auðveld ganga. ---- 13.00-14.00 Ólafsdalur, frumkvöðlasetur 21. aldar. Rögnvaldur Guðmundsson, formaður Ólafsdalsfélagsins. Ávarp: Jón Bjarnason, sjávarútvegs- og landbúnaðarráðherra. Undirritun samnings um Ólafsdal. Söngskemmtun: Ellen Kristjánsdóttir og Eyþór Gunnarsson. 14.00-17.00ÓLAFSDALSMARKAÐUR MS í Búðardal býður ostasmakk með aðalbláberjum úr Reykhólasveit - kræklingur frá Nesskel - grænmeti úr matjurtagarðinum í Ólafsdal - ís frá Erpsstöðum - handverksmarkaður - afurðir úr hráefni frá Þörungaverksmiðjunni á Reykhólum - kaffi, kleinur og safi í boði Ólafsdalsfélagsins - Dalaleir: leirlistakonan Sigríður Erla - hvannalamb frá Ytri-Fagradal o.fl. 14.15 "Í spor jarðyrkjumannsins Torfa": stutt söguganga með Bjarna Guðmundssyni, prófessor á Hvanneyri. 15.00 Leikhópurinn Lotta sýnir barnaleikritið Hans klaufa sem er í frægðarför um landið. Sýningin tekur tæpa klukkustund. 13.00-17.00 Afmælissýningin "Ólafsdalsskólinn 1880-1907" á 1. hæð Ólafsdalshússins. Listsýningin "Dalir og Hólar - ferðateikningar" á 2. hæð Ólafsdalshússins. Ólafsdalshappdrætti til styrktar félaginu (miðaverð 500 kr). hestar teymdir undir börnum - önnur húsdýr - slegið með orfi og ljá Kaffihlaðborð á Skriðulandi kl. 13.00-23.30 Athugið: netsamband er enn stopult í Ólafsdal og því eru gestir beðnir um að hafa með sér lausafé hafi þeir hug á að versla á markaði eða taka þátt í Ólafsdalshappdrætti. Thu, 05 Aug 2010 13:41:24 GMT http://www.123.is/olafsdalur/blog/record/463417/ Í tilefni af því að nú eru 130 ár liði síðan fyrstu nemendur búnaðarskólans í Ólafsdal hófu nám sitt á staðnum verður sýning um skólann og Ólafsdal opnuð í Ólafsdal, Dalabyggð laugardaginn 10. júlí klukkan 13.00. Allir velkomnir.Sýningin verður opin alla daga frá 13-17 í Ólafsdal á tímabilinu 10. júlí til 8. ágúst 2010.Auk afmælissýningar verður í Ólafsdal sýningin Dalir og Hólar 2010 - ferðateikningar. Sú sýning opnar 24. júlí og verður opin til 8. ágúst. Sjá nánar: http://nyp.is/dalirogholar2010/ Sun, 04 Jul 2010 21:43:27 GMT http://www.123.is/olafsdalur/blog/record/447269/ Sendibréf Áslaugar Torfadóttur til föður síns eru kjörgripur Landsbókasafns Íslands í Apríl 2010. Tue, 13 Apr 2010 14:05:15 GMT http://www.123.is/olafsdalur/blog/record/415138/ Á árunum 1866-1869 voru uppi hugmyndir í Húnavatnssýslu að setja á stofn fyrirmyndarbú sem Torfi átti að veita forstöðu. Lögðu Húnvetningar töluvert fé í þetta og stóðu að baki því að Torfi menntaði sig í Skotlandi. Búið varð aftur á móti ekki að raunveruleika.Til eru drög að lögum félagsbúsins og þar á meðal er eftirfarandi grein:,,Allir félagsmenn skulu borða við sama borð, eða búa við jafnan kost í mat og drykk; þó skal hverjum þeirra frítt fyrir að kjósa sér það er þeir kunna að girnast, hvert heldr að ræðr einungis fýsn eða þörf, svo sem kaffi og fl., allt eptir nákvæmari samningum." Fri, 20 Nov 2009 09:20:44 GMT http://www.123.is/olafsdalur/blog/record/414712/ Í byrjun desember 1912 situr Steingrímur Matthíasson héraðslæknir á Akureyri við skriftir, hann skrifar bréf vestur í Dali til Torfa í Ólafsdal og meðal þess sem honum liggur á hjarta er að ræða um dásemdir íslenska skyrsins. Hann skrifar: ,,Enn fremur sendi ég vini mínum í Ameríku Dr. Kellogg sem ég kyntist í fyrra í Edinborg - sýnishorn af súrskyri sem hann lætur sína bakteríufræðinga rannsaka. Kellogg er frægur vísindamaður og hefur fengið mikinn áhuga á að prófa skyrið okkar eptir þeirri góðu lýsingu sem ég hef gefi honum af því." Wed, 18 Nov 2009 10:43:58 GMT http://www.123.is/olafsdalur/blog/record/397795/ Í byrjun ágúst hóf undirrituð störf á vegum Ólafsdalsfélagsins við það að flokka og skrá stórt bréfasafn Torfa Bjarnasonar sem er að finna á Handritadeild Landsbókasafns Íslands. Um er að ræða 46 skjalaböggla með sendibréfum sem Torfi fékk send og má áætla að um 10-12 þúsund bréf séu í þessu safni. Hvert og eitt bréf er skráð eftir sendanda, dagsetningu og stað sem bréfið er sent frá auk þess sem ég leita að frekari upplýsingum um viðkomandi sendanda. Nú í dag er ég búin að skrá ríflega 3000 bréf ásamt því að setja þessi bréf í umbúðir sem munu passa vel upp á þessi bréf um ókomna tíð. Þrátt fyrir að bréfasafnið sé stórt þá er ég sannfærð um að það vantar töluvert af bréfum inn í safnið og ef einhver þarna úti hefur vitneskju um að gögn frá Torfa sé að finna einhvers staðar út í bæ þá mætti sá hinn sami gjarnan hafa samband við mig (525-5669). Ánægjulegt væri að hafa þetta safn sem allra, allra heillegast en það er hafsjór af fróðleik um lífið í Ólafsdal, búnaðarsögu landsins, persónusögu Torfa og lengi, lengi mætti telja áfram. Greinilegt er að Torfi hefur haft mikla persónutöfra og átt einstaklega gott með að fá fólk á band með sér til að efla íslenskan landbúnað. Skólasveinarnir fara t.a.m. heim fullir eldmóði og fara hamförum í jarðræktarbótum í sinni sveit. Bændur leita ráða um þetta og hitt varðandi búskapinn og vilja kaupa ljái, fólk leitar ráða vegna alls milli himins og jarðar, hvernig sé best staðið að flutningi til Vesturheims, hvort Torfi geti fundið vist fyrir viðkomandi o.s.frv. Virðing fyrir Torfa og störfum hans er ótvíræð. Auk bréfasafnsins er svo skjalasafn Torfa á Handritadeild, þar er að finna gögn tengd skólanum, dagbækur Torfa, viðskiptabækur og ýmislegt annað tengt félögum sem Torfi kom að. Tue, 01 Sep 2009 09:12:49 GMT http://www.123.is/olafsdalur/blog/record/390187/ Dagskrá Ólafsdalshátíðar 2009 er hér að neðan. Einnig má finna prentvænni útgáfu af dagskránni undir flipanum "skrár" hér að ofan og þar farið í "Ólafsdslahátíð 2009." Prentið hana gjarnan út og hengið upp/dreifið sem víðast! Eins og sjá má er dagskráin spennandi, jafnt fyrir unga sem eldri. Fræðist einnig um sýninguna "Dalir og hólar - handverk" sem opnar í Ólafsdalshúsinu sem hluti af hátíðinni. Nánari lýsing á sýningunni er í frétt hér að neðan.Velkomin! ÓLAFSDALSHÁTÍÐ 9. ágúst 2009 13.00 Kynning á hátíðinni: Dofri Hermannsson. 13.05 Hálfnað er verk þá hafið er:Rögnvaldur Guðmundsson, formaður Ólafsdalsfélagsins. 13:15 Ávarp: Svandís Svavarsdótttir, umhverfisráðherra. 13.25 Ávarp: Grímur Atlason, sveitarstjóri Dalabyggðar. 13.30 Tónlistaratriði: Guðlaugur Viktorsson. 13.35 Matur og tækifæri í Ólafsdal:Guðrún Hallgrímsdóttir, matvælaverkfræðingur. 13.50 Kynning á sýningunni "Dalir og Hólar-handverk." Þóra Sigurðardóttir, myndlistarmaður. 13.55 Tónlistaratriði: Guðlaugur Viktorsson. 14.00 Lok á formlegri dagskrá. 14.00 Listsýningin "Dalir og Hólar - handverk" opnar í Ólafsdalshúsinu. Verður opin alla daga kl. 14.00-18.00 fram til 30. ágúst. 14.30 Fyrri ferð með leiðsögn um byggingar og jarðræktarminjar í Ólafsdal. 15.00 Gönguferð með leiðsögn upp í Skál (tekur um klukkustund). Fagurt útsýni. 15.30 Síðari ferð með leiðsögn um byggingar og jarðræktarminjar í Ólafsdal. Hestar teymdir undir börnum . slegið með orfi og ljá . ostar frá MS í Búðardalís frá Rjómabúinu á Erpsstöðum . kræklingur frá Nesskel á Gróustöðum kaffi og kleinur . krækiber, bláber og aðalbláber (ef komin verða) .... og fleira! Kaffihlaðborð á Skriðulandi kl. 13.00-21.00 Fólk í þjóðlegum búningum og 19. aldar klæðnaði er boðið sérstaklega velkomið! Wed, 05 Aug 2009 10:21:00 GMT http://www.123.is/olafsdalur/blog/record/392383/ Dalir - hólar - handverk er sýningarverkefni í Dölum, við Breiðafjörð og á Ströndum sem stuðlar að samstarfi milli heimafólks og aðkominna um handverk og listir. Náttúra og menning svæðisins er uppspretta verkanna, og er skólahús gamla landbúnaðarskólans í Ólafsdal og umhverfi hans útgangspunktur sýningarinnar. Skólinn var á mörkum þeirra þriggja sýslna sem sýningin spannar og naut stuðnings sveitanna í kring á öndvegisdögum sínum. Vegna þessa var ákveðið að nýta húsið sem þungamiðju sýningarinnar og tengja þaðan í lykilstaði í nágrannasveitarfélögum. Kveikja sýningarinnar er löngun til að taka þátt í mannlífi svæðisins, varpa ljósi á menningarverðmæti, efna til samstarfs við heimafólk og hvetja gesti til könnunar á umhverfi og menningu á Vesturlandi og á Vestfjörðum. Sýningin fer þannig fram á 4 stöðum: í húsi gamla Landbúnaðarskólans í Ólafsdal, á Sauðfjársetrinu í Sævangi við Steingrímsfjörð, í Byggðasafni Dalamanna að Laugum í Sælingsdal og í Bátasafni Breiðafjarðar, Reykhólum. Sýningin leiðir gesti um svæðið með því að staðsetja verk sýningarinnar á fjórum stöðum og prenta leiðakort - sem jafnframt er sýningarskrá. Verkefnið er samvinnuverkefni sem tengir listir, handverk og byggðarlög og stuðlar að auknu samstarfi milli heimafólks og aðkomufólks, einstaklinga og menningastofnana á Vestfjörðum, Vesturlandi og víðar. Menningarráð Vesturlands og Vestfjarða ásamt Ólafsdalsfélaginu styrkja viðburðinn. Nýpurhyrna er aðili að verkefninu. Höfundar verka: Aðalsteinn Valdimarsson Ásdís Thoroddsen/Hálfdán Theódórsson Guðjón Ketilsson Guðjón Kristinsson Hannes Lárusson Hafliði Aðalsteinsson Hildur Bjarnadóttir Hlynur Helgason Rúnar Karlsson Sólveig Aðalsteinsdóttir Unnar Auðarson Þóra Sigurðardóttir Sýningin er opin 9. - 30. ágúst 2009 kl. 14-18 alla daga.http://artinfo.is/olafsdalur/http://olafsdalur.is/www.nyp.is Wed, 05 Aug 2009 09:49:55 GMT http://www.123.is/olafsdalur/blog/record/374632/ Nú eru fleiri ljósmyndir komnar á vefinn. Mikið af gömlum myndum ásamt myndum frá stofndegi Ólafsdalsfélagsins. Lítið endilega á þetta og hikið ekki við að koma með athugasemdir og upplýsingar. Tue, 12 May 2009 12:40:01 GMT http://www.123.is/olafsdalur/blog/record/368576/ Framundan er margt að gerast á vegum Ólafsdalsfélagsins. Sumardaginn fyrsta, þann 23. apríl verður aðalfundur félagsins haldin í Dalabúð, Búðardal og hefst hann klukkan 10:30.Eftir hádegi sama dag verður málþing félagsins haldið á sama stað og ættu áhugamenn um sögu Ólafsdals og Dalasýslu ekki að láta sig vanta á það, enda vegleg dagskrá í boði. Dagskránna er hægt að sjá hér Málþingið hefst klukkan 13:00Sunnudaginn 26. apríl verður opið hús í Ólafsdal frá 13:00-16:00. Kjörið tækifæri til þess að fara í sunnudagsbíltúr með fjölskylduna og skoða þetta áhugaverða hús og umhverfi þess. Mon, 20 Apr 2009 10:27:05 GMT http://www.123.is/olafsdalur/blog/record/365338/ Á árunum 1916-1922 var framleiddur gráðaostur í Ólafsdal og sá Jón Guðmundsson frá Þorfinnsstöðum í Önundarfirði um þá framleiðslu. Hann var líka með ostagerð í Sveinatungu (sjá Lögberg 12.9.1918)Upplýsingar úr Morgunblaðinu 26. Mars 1915:Islenzkur gráðaostur.Eins og menn muna kom hingað í fyrra dálítið af íslenzkum graðaosti, sem Jón Guðmundsson frá Þorfinnsstöðum í Önundarfirði hafði gert með frakkneskri gráðamyglu. Fekk sá ostur lof allra þeirra er reyndu og þótti ekki standa að baki þeim gráðaosti útlendum, er hingað hefir fluzt. Þessi tilraun með gráðaostagerð hér, hepnaðist því þegar svo vel, að mönnum vöknuðu vonir um það, að ostagerð gæti orðið framtíðargróðavegur fyrir íslenzka sveitabændur. Í sumar sem leið reyndi Jón aftur að gera osta, en sú tilraun hepnaðist ekki jafnvel og sumarið áður, og var það mest því að kenna, að gráðamyglan hafði úrkynjast við geymsluna. En það er hægt að laga. Þó er annað meira um vert, að það hefir verið sannað með tilraunum, að vér íslendingar getum gert gráðaosta úr íslenzkri gráðamyglu og jafnast þeir fyllilega á við osta þá, er J. G. gerði í fyrra. í 2. heftinu af Búnaðarritinu þ. á. ritar Gísli Guðmundsson gerlafræðingur um ostagerð. Er sú grein fróðleg mjög, og ættu sem flestir bændur að kynna sór hana. En einn kaflann úr henni skulum vér birta hér, lesendum til fróðleiks:»Um veturinn 1913 sótti eg bændanámsskeið á Hvanneyri; gerði eg þó nokkrar loftrannsóknir í Borgarfirði og veiddi meðal annars gráðasveppi. Síðar um veturinn ræktaði eg þessa sveppi, og sendi Halldóri skólastjóra á Hvanneyri dálítið af þeim og bað hann reyna að gera gráðaost. Um sumarið gerði skólastjórinn nokkra gráðaosta bæði úr sauðamjólk og kúamjólk. Ostagerðin hepnaðist vel, og sauðamjólkurosturinn var að mínu áliti engu lakari en frakkneskir gráðaostar, nema að því leyti, að myglugróðurinn var ekki nóg á við og dreif um ostinn. í kúamjólkurostinum var myglugróðurinn vel dreifður en osturinn var bragðverri en úr sauðamjólkinni og líktist mjög dönskum gráðaosti, sem gerður er mestmegnis úr kúamjólk, Tilraunir skólastjórans sanna því, að gráðaost má gera úr sauðamjólk með íslenzkri gráðamyglu, jafnvel engu síður en frakkneskri. í rannsóknarstofu minni hefi eg gert nokkra gráðaosta með frakkneskri og íslenzkri gráðamyglu, og virðist mér íslenzk gráðamygla jafnhæf til osta- gerðar og sú frakkneska«.Sigríður H. Jörundsdóttir Tue, 07 Apr 2009 13:25:04 GMT http://www.123.is/olafsdalur/blog/record/365319/ Ólafsdalur, nýsköpunarsetur 21. aldar? Málþing um framtíð Ólafsdals í Gilsfirði, haldið fimmtudaginn 23. apríl, sumardaginn fyrsta, í Dalabúð, Búðardal kl. 13:00-17:30 Málþingið er haldið í samvinnu við Landbúnaðarsafn Íslands á Hvanneyri. Það er öllum opið en æskilegt að skrá sig fyrirfram. DAGSKRÁ: 13:00 Málþingið sett Rögnvaldur Guðmundsson, formaður Ólafsdalsfélagsins 13:15 Saga Ólafsdals Árni Daníel Júlíusson, sagnfræðingur 13:45 Svartárkot, reynslusaga Viðar Hreinsson, framkvæmdastjóri ReykjavíkurAkademíunnar 14:15 Matur og menning Guðrún Hallgrímsdóttir, matvælaverkfræðingur 14:45 KAFFIHLÉ 15:15 Fornverkaskólinn Bryndís Zöega, landfræðingur 15:45 Jarðræktarminjar í Ólafsdal Bjarni Guðmundsson, prófessor og forstöðumaður Landbúnaðarsafns Íslands 16:15 Umræður um framtíð Ólafsdals 17:30 Málþingi slitið. Aðgangur er ókeypis! Bókanir hjá Rögnvaldi á rognv@hi.is eða síma 693 2915. Tue, 07 Apr 2009 12:15:45 GMT http://www.123.is/olafsdalur/blog/record/318411/ Markmið Félagið var stofnað 3. júní 2007. Markmið félagsins er að stuðla að eflingu og varðveislu Ólafsdals í Dölum, sem er í flokki merkustu menningarminja á Vesturlandi. Stuðla á að því að staðurinn verði meðal helstu kennileita í Dölum og laði að ferðafólk, atvinnu, hugvit og fjölbreytni. Forða á staðnum frá frekari skemmdum og gera vandaðar áætlanir um uppbyggingu hans í framtíðinni. Félagið ætla að afla fjár til uppbyggingarstarfsins og standa að kynningu og markaðssetningu Ólafsdals. Þá er ætlunin að setja fram hugmyndir að nýsköpun í ferðaþjónustu og öðrum atvinnugreinum í Dalabyggð og Reykhólahreppi til að styrkja ímynd og atvinnulíf svæðisins. Félagið ætla að stuðla að samstarfi við aðila sem vinna að sambærilegum málum í menningarferðaþjónustu innanlands sem utan. Stjórn Ólafsdalsfélagsins skipa nú: Rögnvaldur Guðmundsson, ferðamálafræðingur, formaður Arnar Guðmundsson, blaðamaður Guðjón Torfi Sigurðsson, kennari Ingveldur Guðmundsdóttir, bóndi Halla Steinólfsdóttir, bóndi og varaoddviti Dalabyggðar Sigríður H. Jörundsdóttir, sagnfræðingur Sumarliði Ísleifsson, sagnfræðingur Svavar Gestsson, sendiherra Þórður Magnússon, rekstrarhagfræðingur Fri, 14 Nov 2008 15:45:16 GMT http://www.123.is/olafsdalur/blog/record/318405/ Verið velkomin á heimasíðu Ólafsdalsfélagsins. Hér verður safnað saman ýmsum upplýsingum, fróðleik og myndum sem tengjast Ólafsdal í Gilsfirði. Fri, 14 Nov 2008 15:31:33 GMT